Proyecto Scol Multilingual

Encuesta

Bo ta haya cu Aruba, Boneiro y Corsou mester tin un solo ortografia (manera di skirbi) pa Papiamento?

 

Poeta di Patria

Publica: 8 di maart 2016100818

Departamento di Cultura Aruba (DCA) hunto cu Fundacion Lanta Papiamento (FLP) ta organisa e competencia "Poeta di Patria".

Den 2016 e competencia "Poeta di Patria" lo carga e tema "Un aventura Cultural" pa honra y celebra nos patrimonio. 

E anochi final lo tuma lugar dia 14 di maart 2016, na Museo Historico Aruba / Fort Zoutman, for di 6 or di atardi pa 9 or di anochi.

 

 

Regla di participacion

Competencia ta habri te 11 di maart 2016. E reglanan di participacion ta lo siguiente:

  • Minimo 4 Strofa y Maximo 7 Strofa;
  • Cada Strofa mester consiti di 4 linea;
  • Mester Rima (mester ta un);
  • Topico mester ta Aruba su patrimonio: Cultura, Historia, Herencia, Folklore, Tradicion, Flora y Fauna y Musica;
  • Poeta por manda te cu 3 poema pa participa;
  • Expertonan di poemanan largo por participa te cu 7 strofa pa particpa.

 

Categoria Special SETAR

A mira desaroyo grandi desde 1986 na Aruba y tambe riba e tereno di telecomunicacion. Asina a bay over di sistemanan analoog pa digital y e serie di servicionnan cu ta algo automatico awendia manera internet, telefonnan celular etc.

Den e 30 añanan e desaroyo di telecomunicacion di Aruba a bay hopi acelera y cu varios inovacion pa Aruba. SETAR den cuadro di esaki ta anuncia un competencia di poema habri pa grandi y hoben cu por expresa e cambionan aki y e aprecio pa Aruba su Status Aparte y cu yegada di SETAR como e pionero den telecomunicacion na Aruba 30 aña pasa.

Criteria pa participacion:

  • Poemanan mester ta den Papiamento (etimologico: es decir Papiamento di Aruba);
  • Poema cu ya a keda publica caba no ta valido pa e competencia aki;
  • Poema no por ta un traduccion di otro obra of otro autor;
  • Minimo 2 Strofa y Maximo 4 Strofa;
  • Cada Strofa mester consisti di 4 linea;
  • Rima ta opcional, e por ta liber tambe;
  • Tema: Creando Conexion, Aruba su patrimonio SETAR, 30 aña Status Aparte y 30 aña SETAR.

 

Entrega bo poesia na Departamento di Cultura, via This email address is being protected from spambots. You need JavaScript enabled to view it. of This email address is being protected from spambots. You need JavaScript enabled to view it. .

 

 

Info / Contact

DCA | Departamento di Cultura Aruba