Busca Palabra

Encuesta

Ki ora bo ta cuminsa bisa otro “bon tardi”?

View Results

Loading ... Loading ...

Proyecto Scol Multilingual

Presentacion di DEA na Parlamento tocante ortografia di Aruba

Publica: 03/09/2018

Riba invitacion di Parlamento, drs. Audrey Tromp-Wouters di Departamento di Enseñansa Aruba (DEA), a duna un presentacion tocante ortografia dia 29 di augustus ultimo.

Sra. Tromp tabata compaña pa e miembronan di e Comision di Ortografia di 1997, Sr. Ramon Todd Dandaré, Sra. Evelyn Ruiz-Croes y Sr. Pedro Velasquez.


Potret cortesia di Parlamentario Sra. Shailiny Tromp-Lee

Meta di e encuentro aki tabata pa informa Parlamento y intercambia idea tocante e reglanan di e ortografia amplia y e lista di palabra. Esaki en conexion cu tratamento di e concepto di ley di ortografia di Papiamento cu lo keda trata pronto na Parlamento.

Den e presentacion a duna un introduccion cortico di e publicacionnan di Proyecto Idioma, sigui pa un historia cortico di nos ortografia di 1976 pa 2018, a trata kico ortografia ta y kico e no ta, a haci un comparacion cortico cu e ortografia di 1976, a trata e importancia di aprobacion di e ley y a termina indicando kico mester tuma luga den futuro.

Despues di e presentacion e parlamentarionan presente a expresa nan pensamento tocante e topico y a haci algun pregunta, cu e invitadonan a contesta mesora. E reunion a bay den un ambiente hopi positivo.

 


 

Scroll To Top