Busca Palabra

Encuesta

Ki ora bo ta cuminsa bisa otro “bon tardi”?

View Results

Loading ... Loading ...

Proyecto Scol Multilingual

Censo piloto: Papiamento ta e idioma mas uza na cas

Publica: 20/10/2020

Oranjestad – Den preparacion pa Censo 2020, Departamento di Estadistica (CBS) a conduci un Censo Piloto na luna di october 2019. Un di e preguntanan haci, tabata pa scoge entre e dos idiomanan mas papia na cas. E resultado ta mustra cu Papiamento ta e idioma mas uza na cas, sigui pa Spaño, Ingles y Hulandes.



Den preparacion pa Censo 2020, Departamento di Estadistica (CBS) ta informa tocante e resultado di e Censo Piloto haci den e luna di october 2019. Un di e preguntanan haci, tabata pa scohe entre e dos idiomanan mas papia na cas. E resultado ta mustra cu Papiamento ta e idioma mas uza na cas, sigui pa Spaño, Ingles y Hulandes.

Den mayoria cas ta papia un idioma y ta papia Papiamento so. Den e casnan cu a indica cu ta papia mas idioma, Papiamento ta e idioma mas uza. Banda di Papiamento, Spaño ta e idioma mas papia, sigui pa Ingles y Hulandes.

For di e Censo Piloto ta sali na cla cu mayoria persona naci na Aruba ta uza Papiamento como idioma na cas, sigui pa Ingles, Spaño y Hulandes. Mayoria persona cu no ta naci na Aruba, tambe ta prefera di papia Papiamento na cas. Esnan no naci na Aruba ta usa Spaño como di dos idioma sigui pa Ingles y Hulandes.

Un mayoria grandi di personanan di nacionalidad Hulandes ta papia Papiamento na cas, sigui pa Spaño, Ingles y Hulandes. Esnan cu no tin nacionalidad Hulandes ta papia mas tanto Spaño na cas, sigui pa Papiamento, Ingles y Hulandes.

Ta uza Papiamento mas na cas den e districto di Paradera. Ta papia Spaño mas den hogarnan na Oranjestad West. Na San Nicolas Zuid ta papia mas Ingles na cas y ta papia Hulandes mas den cas na Noord y Tanki Lendeert.

E Censo Piloto tabata tin un duracion di 10 dia. E teller nan a pasa den e districtonan di Noord, Oranjestad, Paradera, Santa Cruz y San Nicolas. A bishita un total di 2.395 cas y a entrevista 6.365 persona. E porcentahenan ilustra no ta suma 100% como cu por a scohe pa 2 idioma.



Info / Contact

censo2020.aw


 

Scroll To Top