Curso: Habilidad di idioma Papiamento

22/08/2019

Oranjestad – Center of Lifelong Learning di Universidad di Aruba (UA) ta organisa curso “Habilidad di idioma Papiamento”.

Papiamento sin duda tin un rol importante den sociedad na Aruba, e ta e instrumento mas uza pa comunicacion. Tin bon dominio y uzo corecto di dje ta sobresali significativamente cerca cada profesional. Domina bo propio idioma ta nifica balora bo patrimonio y identidad.

E oportunidad di sigui e curso Habilidad di idioma Papiamento 1, cu ta encera seis encuentro, lo laga e cursista cera conoci cu e origen di Papiamento, su ortografia y reglanan gramatical tanto den acercamento como analisis di texto argumentativo.

E curso ta pa profesional.

Docente

Docente pa e curso “Habilidad di idioma Papiamento” ta Swinda Patricia Arendsz, M.Ed.

Arendsz ta traha como docente di Papiamento na Colegio Arubano, ta duna les di Papiamento na Avond Havo San Nicolas, ta desaroyado di examen di Papiamento y ta examinado di Papiamento pa Examenbureau.

Den su tempo liber Arendsz ta Corector di articulo y buki na Papiamento. Tambe e ta haci trabou boluntario pa Fundacion Bon Nochi Drumi Dushi y Arubaanse Padvinsters Gilde.

Registra aki

Scroll To Top

Papiamento

Curso: Habilidad di idioma Papiamento

Archivo

Tocante

Contacto

Menu