E gran Dictado di Papiamento

12/02/2012

100818

Oranjestad – Dia 21 di februari ta Dia Internacional di Lenga Materno. Un dia pa pone extra atencion na nos dushi Papiamento. Pues nos no por laga e dia aki pasa bay sin celebr’e.

E poeta Rosabelle Illes a bin cu un tremendo idea pa tene un competencia di dictado. Y cu cooperacion di Departamento di Enseñansa Aruba, Departamento di Cultura di Aruba, Grupo di Corector y Fundacion Lanta Papiamento ta organisa un anochi dedica na nos idioma materno, unda e competencia di dictado tambe ta forma parti di dje.

Bin demostra cu bo sa skirbi un bon Papiamento y cu bo conoce e reglanan di ortografia of simplemente bo kier siña mas con pa skirbi nos Papiamento corectamente.

E dictado a ser redacta pa Ramon Todd Dandaré Mag. Ling. conhuntamente cu drs. Joyce Pereira y lo keda presenta pa e poeta Rosabelle Illes. E participantenan lo skirbi 13 frase na Papiamento.

Despues lo tuma un pausa unda tin oportunidad di busca algo di come y bebe mientras cu e hurado ta corigi e dictado. Ramon Todd Dandaré lo duna informacion tocante e dictado y ortografia di Aruba. Finalmente lo anuncia e ganadornan di dictado y esunnan di haiku sigui pa entrega di e premionan corespondiente.

P’esey diasabra 25 di februari bin pasa un rato ameno y alabes educativo combina cu varios presentacion na Cas di Cultura.

Por inscribi di antemano pa participa na e dictado via e-mail [email protected]. Sea asina bon di pone bo nomber, telefoon, edad, scol y/of trabou.

Tambe por inscribi personalmente diasabra 7 or di anochi, pa asina nos cuminsa 7.30 cu e dictado. Ta bay tin premionan sorpresa pa esnan cu sobresali.

Scroll To Top

Papiamento

E gran Dictado di Papiamento

Archivo

Tocante

Contacto

Menu