Busca Palabra

Encuesta

Ki ora bo ta cuminsa bisa otro “bon tardi”?

View Results

Loading ... Loading ...

Proyecto Scol Multilingual

Nobo den Coleccion Digital BNA: Watapana

Publica: 10/12/2019

Oranjestad – Cu hopi orguyo Biblioteca Nacional Aruba ta anuncia cu Watapana (1968-1972), un revista clave den historia di literatura y cultura di Antias y Aruba, awo ta disponibel riba BNA su plataforma digital.



E Departamento Arubiana-Caribiana (situa na Bachstraat 5, na Playa) di Biblioteca Nacional Aruba, responsabel pa e Coleccion Nacional y coleccionnan special ta keda haci esfuerso pa percura cu e informacion historico, cultural y literario cu ta importante pa Aruba y Caribe ta bira disponibel pa publico den e miho forma posibel.

Ultimo adicion riba e plataforma digital ta Watapana (1968-1972), un revista clave den historia di literatura y cultura di Antias y Aruba, awo disponibel riba BNA su plataforma digital:

bna.aw/digital/watapana


LANTA PARA, WATAPANA!

Lanta para, watapana!

Baha barank’i nostalgia
fo’i bo lomba,
doblá te na tera.

Lanta bo kurpa na laria,
manera kadushi di sabana,
hankrá den trankera.

Lanta para, watapana!
Pinta un indján den bo kara
i klaba bo fléchanan
den e shelo di plata.

Ranka vigor fo’i bo brasa
i graba viktoria den
bo palo bi bandera.

Henry Habibe, 1968

Fuente: Revista Watapana (November 1968)

Parti di e Coleccion Digital Nacional, Biblioteca Nacional Aruba


 

Scroll To Top