Presentacion di Catisashi na Papiamento

29/03/2010

100329

Oranjestad – Cu orguyo nos ta participa cu diabierna 26 di maart Iglesia Catolico a presenta na pueblo di Aruba e “Catisashi di Iglesia Catolico” na Papiamento. E presentacion a tuma luga den sala di Biblioteca Nacional. Den e buki aki por haya e base completo di fe Catolico parti den cuater segmento: 1 Credo, 2 Sacramento, 3 E Dies Mandamentonan y 4 Nos Tata.

E Credo ta splica kico mi ta kere. Cu e Sacramentonan mi ta celebra mi fe. Mi ta biba mi fe observando E Dies Mandamentonan. Mi ta alimenta mi fe cu oracion.

E buki aki ta un joya cu no mester haci falta den ningun cas di famia. Tambe e ta un documento valioso pa uzo den e scolnan catolico, gruponan di formacion y di oracion.

Pueblo en general y particularmente esnan cu ta aprecia un obra na Papiamento tabata bonbini na e anochi di presentacion. Tin un cantidad limita di buki di catisashi, pero si tin mas interes lo laga imprimi mas ehemplar. E “Catisashi di Iglesia Catolico” ta obtenibel na: Misa San Francisco na Oranjestad, Misa Birgen di Fatima na Dakota y Centro Pastoral na Sta.Cruz. Despues lo anuncia mas luga di benta. E buki ta costa Awg. 50,00.

Fuente: Biblioteca Nacional Aruba http://www.bibliotecanacional.aw

Scroll To Top

Papiamento

Presentacion di Catisashi na Papiamento

Archivo

Tocante

Contacto

Menu