Idioma na Aruba
Manera tur otro idioma na mundo, Papiamento tin su propio gramatica y vocabulario. Pa loke ta trata Papiamento skirbi, ta asina cu desde 1977 Aruba tin su propio ortografia tambe.
Como idioma crioyo e ta di interes pa hopi cientifico rond mundo. Pa Aruba e ta e idioma di comunicacion mas uza, tanto riba caya como den medionan di comunicacion. Pa mas o menos 70% di nos poblacion, e ta idioma materno.
Pa esnan cu no ta papia Papiamento na cas, e ta fungi hopi biaha como e idioma pa comunica cu hende di otro habla. For di un investigacion haci na 1995 (Régine Boekhoudt-Croes), a resulta cu specialmente esnan di habla Hulandes y esnan di habla Spaño ta uza Papiamento pa comunica cu otro.
Papiamento ta herencia cultural di pueblo di Aruba y un simbolo di nos identidad nacional. E ta e idioma cu ta uni nos tur.
Scroll To Top
